Trasport għall-iskejjel mhux tal-istat mingħajr ħlas
Minn Settembru 2018, il-Gvern introduċa trasport għall-iskejjel b’xejn għall-istudenti li jattendu l-iskejjel tal-knisja u indipendenti. Eluf ta’ studenti li jattendu dawn l-iskejjel huma eliġibbli biex jibbenefikaw minn din l-iskema. Wara s-suċċess ta’ din l-iskema, aktar minn 250 Operatur iffirmaw ftehim mal-Ministeru għall-Edukazzjoni, Sports, Żgħażagħ, Riċerka, u Innovazzjoni [MEYR] biex joffru servizz ta’ trasport għall-iskejjel b ’xejn għall-istudenti li jattendu skejjel mhux tal-istat.
Eliġibilita’għall-Iskema ta’ Trasport B’ Xejn.
- L-istudenti huma residenti f’Malta. (L-istudenti li għandhom Karta tal-Identita’ diplomatika għandhom jikkuntattjaw lit-taqsima tat-trasport tal-iskejjel għal aktar informazzjoni);
- Studenti li bħalissa qegħdin f’sena skolastika obbligatorja, jiġifieri mill-Kinder 1 sal-11-il Sena;
- Studenti li joqgħodu raġġ ta’ distanza ta’ 1 km ‘l barra mill-indirizz tar-residenza primarja tagħhom sal-iskola.
Il-Proċess ta’ Applikazzjoni.
Il-ġenituri/kustodji legali għandhom japplikaw għat-trasport tal-iskejjel b’ xejn kull sena, permezz ta’ voucher maħruġ mill-MEYR, bil-proċess jibda * DAĦĦAL ID-DATA *. Il-vouchers maħruġa fis-snin ta’qabel ma jibqgħux validi.
It-Taqsima tat-Trasport tal-Iskejjel tgħarraf lill-iskejjel u lill-ġenituri dwar il-proċess tal-applikazzjoni permezz tal-email kull sena. L-applikazzjonijiet online jintlaqgħu matul il-perjodu ta’ żmien stipulat. L-applikazzjonijiet online jistgħu jiġu aċċessati mis-sit eletroniku https://edukazzjoni.gov.mt/servizzi/ fejn jridu jużaw il-kredenzjali tal-e-ID. Applikazzjonijiet manwali u applikazzjonijiet li jaslu tard jintlaqgħu biss permezz tas-servizz ta’ one-stop-shop li jinsab fl-indirizzi hawn taħt fil-ħinijiet indikati:
Servizz.gov Triq l-Assedju l-Kbir, il-Furjana, Malta mit-Tnejn sas-Sibt 8:00am – 1:00pm
u nhar ta’ Erbgħa mill-4:30pm – 7:00pm
Kulleġġ ta’ Għawdex, Uffiċċju tal-Priniċipal tal-Kulleġġ, Triq l-Ewropa, Ir-Rabat, Għawdex. Mit-Tnejn sal-Ġimgħa 08:00am – 12:00pm
Għal applikazzjonijiet manwali u/jew tard il-ġenituri huma mitluba jġibu magħhom id-dokumenti li ġejjin:
- Karta tal-Identita’ valida/passaport/permess ta’ residenza tal-ġenitur/kustodju legali tal-applikant;
- ċertifikat tat-twelid/passaport validu/permess ta’ residenza/karta tal-identita’ tal-istudent;
Kopji tad-dokumenti msemmija hawn fuq ma jiġux aċċettati.
L-applikazzjonijiet għandhom jiġu sottomessi mill-ġenituri/kustodji legali BISS u huma responsabbli li jagħtu l-voucher lill-operatur tas-servizz rispettiv tagħhom.
L-applikazzjonijiet jsiru bil-Malti jew bl-Ingliż biss. Hija r-responsabbilta’ tal-ġenituri/kustodji legali li jaraw li li jkunu fehmu t-termini u l-kundizzjonijiet.
Kif tirreġistra għall-e-ID jew tibdel il-password?
Kull persuna li għandha Karta tal-Identita’ jew Karta ta’ Residenza Maltija (għal ċittadini tal-UE u mhux tal-UE) hija intitolata għal kont tal-e-ID. Jekk qatt ma użajtha, jekk jogħġbok agħfas hawn. Jekk insejt il-password tiegħek, jekk jogħġbok agħfas hawn.
Nota: Jekk il-minuri ma jkunx irreġistrat jew marbut mal-e-ID tal-ġenitur/kustodju legali tkun trid timtela applikazzjoni manwali billi żżur l-uffiċċji tagħna kif spjegat hawn fuq.
L-Operaturi ta’ s-Servizz
* LISTA * dropdown eċċ
Nista’ nibbukkja t-trasport għall-vjaġġ ta’ filgħodu jew ta’ waranofsinhar biss?
Iva, it-trasport jista’ jiġi bbukkjat jew għall-vjaġġ ta’ filgħodu biss, jew għall-vjaġġ ta’ waranofsinhar biss jew għaż-żewġ vjaġġi skond il-bżonn.
Kif jiġu determinati l-ħinijiet u l-postijiet fejnjinġabru i jitniżżlu t-tfal?
Il-postijiet għandhom jiġu miftiehma bejn il-ġenitur/kustodju legali u l-fornitur tas-servizz. Dan għandu jkun rifless fl-indirizz imniżżel fil-vawċer maħruġ lill-ġenitur. Il-ġenituri/kustodji legali jistgħu jagħżlu biss indirizz fiss wieħed filgħodu u indirizz fiss wieħed waranofsinhar.
L-iskedar ta’ ġranet mhux permess, jiġifieri l-ġenituri/kustodji legali mhux se jitħallew jipprovdu indirizzi multipli. . Barra minn hekk, mhux se jitħallew jagħtu dati differenti għaż-żewġ indirizzi pprovduti.
Kundizzjonijiet għall-Provvediment ta’ Servizz. Għal aktar informazzjoni rigward il-kriterji ta’ eliġibilita, kif ukoll it-termini ta ’użu, ġentilment ara t-termini u l-kundizzjonijiet tagħna permezz ta’ din il-holqa.
- L-istudenti għandhom iġibu ruħhom b’mod xieraq matul il-vjaġġ kollu.
- L-istudenti għandhom jiżguraw li l-imġiba tagħhom ma taljenax lis-sewwieq milli jsuq b’mod sigur.
- L-istudenti m’għandhom jagħmlu l-ebda attivita li tista’ tikkawża ħsara lill-vettura tat-trasport tal-iskola. Jekk kwalunkwe ħsara li tirriżulta minn imġiba mhux mixtieqa, il-ġenituri/kustodji legali obligati jħallsu d-danni rispettivi lill-operatur tas-servizz.
- L-istudenti huma responsabbli ta’ ħwejjiġhom fuq il-vettura tat-trasport tal-iskola – min jipprovdi s-servizz u/jew il-Ministeru ma jistax jinżamm responsabbli ta’ ħwejjiġhom li jispiċċaw nieqsa waqt il-vjaġġi.
- L-iskejjel jistgħu jieħdu passi dixxiplinarji kontra l-istudenti jekk xi studenti jġibu ruħhom ħażin fuq il-vettura tat-trasport tal-iskola. Dawn jistgħu jvarjaw minn sospensjoni temporanja għal sospensjoni indefinita ta’ student/a mit-trasport tal-iskola.
- Il-ġenituri għandhom jħallsu kwalunkwe ħsara volontarja li l-istudent rispettiv tagħhom jista’ jwettaq fuq il-vjagg.
- It-Taqsima tat-Trasport tal-Iskola tirriserva d-dritt li tissospendi b ’mod temporanju jew permanenti l-użu tat-trasport tal-iskola b’ xejn jekk jinkisru l-kundizzjonijiet imsemmija hawn fuq.
- Hija r-responsabbilta’ tal-ġenituri u/jew kustodji legali li jiżguraw li jkunu fiżikament preżenti mat-tifel/tifla rispettivi tagħhom waqt il-pick-up u d-drop-off fil-punt indikat.
Servizz tal-klijent.
Għal aktar informazzjoni tista ’tikkuntattjana fuq 25981888 jew permezz ta’ email fuq: [email protected].