Dikjarazzjoni tal-Missjoni:
L-għan tas-servizz tagħna se jiffoka fuq l-involviment tar-residenti fit-tmexxija u t-tkomplija tal-operat tad-Dar, kif ukoll f’attivitajiet u korsijiet edukattivi li jgħinu lill-utenti tas-servizz jiżviluppaw il-ħiliet tagħhom u jtejbu l-possibbiltajiet tagħhom għall-impjieg. Ir-residenti se jiġu mħeġġa jipparteċipaw b’mod attiv fil-ħajja ta’ grupp biex jissaħħu l-ħiliet soċjali tagħhom. Se jingħataw ukoll l-appoġġ biex jinvolvu ruħhom fil-komunità, sabiex jiġi evitat l-iżolament.
L-aspett tad-Dar li jiffoka fuq il-ħajja sostenibbli huwa wieħed li s’issa ġab riżultati pożittivi għar-residenti. Numru ta’ persuni li bbenefikaw mill-programm u li kienu ġew dijanjostikati b’kundizzjonijiet bħal ADHD saru aktar kalmi u saħansitra ġew rilaxxati mill-psikjatra tagħhom. Dan l-aspett se jkompli jiġi żviluppat u se jibqa’ jitqies bħala kontribuzzjoni importanti għall-ġid u l-benesseri tar-residenti.
Normalment ma nirrifjutawx placements sakemm ikun hemm spazju disponibbli, jew jekk mhux f’każ li l-aċċettazzjoni ta’ resident ġdid tista’ tkun ta’ ħsara b’xi mod għar-residenti li diġà jgħixu fid-Dar jew għall-istaff.
Wieħed irid jifhem li dan la huwa hostel u lanqas lukanda. Dan huwa dar residenzjali, ibbażata fuq ħajja komuni. Ir-residenti kollha huma mitluba jikkooperaw biex jgħixu bħala komunità, indipendentement mit-twemmin, il-kultura, l-isfond u/jew il-passat tagħhom.
Prinċipal tal-Kulleġġ:
Fr Ray Scicluna
Indirizz:
Dar Frate Jacoba, Triq Wied iż-Żiju, Marsaskala. MSK4612 – Malta
Numru tal-Kuntatt:
Emajl:
[email protected]