MISSJONI
Il-missjoni tagħna hija li noħolqu atmosfera edukattiva pożittiva ta’ sapport u flessibilita` fejn kull student jirnexxi, jifhem il-potenzjal sħiħ tiegħu, u jipparteċipa b’mod attiv fil-vjaġġ edukattiv tiegħu billi:
- Nrawmu ambjent ta’ tagħlim inklusiv u ta’ sapport li jneħħi l-ostakli kollha għas-suċċess.
- Ninvestu fit-tkabbir tal-edukaturi permezz ta’ taħriġ professjonali kontinwu, filwaqt li nirrikonoxxu l-irwol tagħhom li jwassal għal edukazzjoni ta’ kwalita` li tiġi riflessa fil-ħajja tal-istudenti.
- Nsaħħu l-kollaborazzjoni bejn l-iskejjel, il-familji, u l-komunitajiet biex jinħolqu opportunitajiet indaqs u kultura ta’ tagħlim tul il-ħajja għall-istudenti kollha.
VIŻJONI
Tinħoloq atmosfera fejn kull student ikollu aċċess ugwali għal esperjenza edukattiva eċċellenti u s-sapport li jeħtieġ biex jilħaq il-potenzjal tiegħu. Permezz tal-innovazzjoni, il-kompassjoni u l-kollaborazzjoni nipprevedu futur li fih l-istudenti kollha jingħataw l-opportunita` li jipparteċipaw b’mod attiv fit-tagħlim tagħhom, jiksbu edukazzjoni eċċellenti u jagħtu kontribut sinifikanti fis-soċjeta`.
VALURI
Permezz ta’ ċertu valuri, nemmnu li noħolqu sapport konsistenti u eċċezzjonali lill-istudenti kollha tagħna u lill-komunitajiet ta’ tagħlim tagħhom:
- L-Inklussivita`: Aħna nemnu fil-ħolqien ta’ opportunitajiet indaqs għall-istudenti kollha billi nirrispettaw u nħaddnu l-bżonnijiet individwali differenti, l-abbiltajiet u l-kulturi diversi li jħaddnu.
- L-Empatija: Aħna dedikati biex nifhmu u nappoġġaw l-isfidi uniċi li jiffaċċja kull student b’kompassjoni, ġentilezza u paċenzja.
- Il-Kollaborazzjoni: Aħna nrawmu sħubija b’saħħitha ma` studenti, familji, edukaturi, u komunitajiet biex noħolqu network ta’ sapport u ta’ suċċess.
- Ir-Rispett: Aħna nonoraw l-individwalita` ta’ kull student, billi nisimgħu l-vuċi tagħhom u nagħtuhom l-opportunita` biex jiddeċiedu huma dwar l-għażla tal-vjaġġ tat-tagħlim tagħhom.
- L-Innovazzjoni: Aħna nħadnu atitudni kreattiva u strateġiji bbażati fuq l-evidenza billi nipprovdu soluzzjonijiet imfassla apposta biex jissodisfaw il-ħtiġijiet tal-istudenti kollha li qegħdin jevolvu kuljum.
- L-Integrita`: Aħna naġixxu bi trasparenza, onesta` u responsabbilta` fil-prattiki kollha tagħna, u niżguraw li kull student jirċievi l-ogħla standard ta’ sapport.
- L-Eċċellenza: Aħna impenjati għal titjib kontinwu u ta’ eċċellenza edukattiva, naħdmu biex noħolqu impatt sinifikanti u dejjiemi fuq il-vjaġġ ta’ tagħlim għal kull student.
