Dikjarazzjoni tal-missjoni:
Bħala istituzzjoni edukattiva, aħna nqisu lilna nfusna bħala parti minn korp edukattiv akbar li jaħdem kemm fil-livell lokali kif ukoll f’dak Ewropew. Billi nagħżlu li nieħdu rwol attiv fl-attivitajiet edukattivi kollha, niftħu lilna nfusna u nsiru nafu x’qed jaħsbu, jippjanaw u jagħmlu skejjel u istituzzjonijiet oħra.
L-iskola tagħna temmen fl-inklużjoni u naħdmu bis-sħiħ biex dan l-ideal isir realtà. Bl-inklużjoni nifhmu li kull student, irrispettivament mill-grad ta’ kapaċitajiet tiegħu, għandu xi ħaġa partikolari u konkreta x’tikkontribwixxi lejn l-iskola tagħna u huwa biss meta dawn l-elementi diversi kollha jingħaqdu li l-iskola tagħna ssir familja, kompluta u magħquda.
Filwaqt li kull kompitu jiġi avviċinat u eżegwit b’għarfien tal-limitazzjonijiet tagħna u b’rispett għall-ambjent ta’ madwarna, nemmnu bis-sħiħ li huwa dmir tagħna li nikkontribwixxu b’mod attiv lis-soċjetà u ngħaddu dak li rċevejna b’tant grat.
Konxju li qed ngħixu f’dinja fejn il‑valuri bażiċi huma sfidati kontinwament, niffukaw l‑enerġija tagħna fuq li nagħtu s-setgħa lill‑istudenti tagħna biex jiżviluppaw sens kritiku ta’ dixxerniment lejn dak kollu li jidher li jleqq iżda mhuwiex deheb. Aħna nemmnu li huwa biss permezz ta’ ħsieb kritiku li persuna tista’ tikseb il-libertà vera milli tkun skjavizzata mis-soċjetà materjalista u konsumista tagħna.
Aħna nemmnu li jekk irridu nirnexxu fl-ispirazzjoni tal-istudenti biex jgħixu skont dawn il-valuri, irridu wkoll naħdmu mill-qrib mal-ġenituri u l-kustodji li fdawna bit-tagħlim ta’ wliedhom. Flimkien, aħna kollha niġbdu l-ħabel fl-istess direzzjoni hekk kif nimxu flimkien fit-triq tal-ħajja.
Prinċipal tal-kulleġġ:
Mr Raymond D’Amato
Indirizz:
Sta Venera
Numru ta’ kuntatt:
21448036 / 21484072
Emajl:
[email protected]