Blockcerts - edukazzjoni

GWIDA BI SPJEGAZZJONI PASS PASS DWAR KIF TNIŻŻEL L-APP TAL-BLOCKCERTS WALLET FUQ MOWBAJL JEW TABLET

L-App tal-Blockcerts Wallet tista’ titniżżel u tintuża biss fuq mowbajl jew tablet. L-App tal-Blockcerts Wallet tista’ titniżżel u tintuża biss fuq mowbajl jew tablet. Li tniżżel l-App tal-Blockcerts Wallet hija GĦAŻLA iżda huwa rakkomandat li wieħed iniżżel l-app sabiex ikun jista’ jissejvja ċ-Ċertifikati Diġitali kollha, bħaċ-Ċertifikati mill-Istitut għas-Servizzi Pubbliċi (IPS), iċ-Ċertifikati tat-Tluq mill-Iskola, iċ-Ċertifikati tal-ICT C3 u Ċertifikati oħra maħruġa permezz ta’ Blockcerts f’post wieħed fuq il-mowbajl jew it-tablet.

L-1 PASS: Ir-ritratt tal-iskrin t’hawn taħt juri l-paġna ewlenija tal-mowbajl. Agħżel l-ikona tal-Play Store sabiex tniżżel l-Applikazzjoni tal-Blockcerts Wallet.

It-2 PASS: Ir-ritratt tal-iskrin t’hawn taħt juri l-applikazzjoni tal-Play Store. Mur fuq Search for apps u ikteb Blockerts Wallet. Mur fuq Search for apps u ikteb Blockerts Wallet.

It-3 PASS: Agħżel Blockcerts Wallet, agħfas fuq il-buttuna Install u stenna sakemm din tinżel fuq il-mowbajl/tablet.

Ir-4 PASS: Meta tniżżel l-applikazzjoni fuq il-mowbajl/tablet, iftaħ l-applikazzjoni tal-Blockcerts Wallet. Ir-ritratt tal-iskrin t’hawn taħt juri l-paġna ewlenija tal-applikazzjoni. Agħżel il-buttuna New User (din tapplika għal dawk l-utenti li qed iniżżlu l-app għall-ewwel darba).

Il-5 PASS: Wara li tagħfas New User, se tara l-iskrin li qed jidher hawn taħt bil-Passphrase tal-wallet tiegħek. Agħfas fuq il-buttuna Create Backup biex tkompli l-backup. Il-Passphrase tiġi ġġenerata awtomatikament.

Is-6 PASS: Ir-ritratt tal-iskrin t’hawn taħt juri l-iskrin bil-Backup Methods. Il-Backup methods huma Manual Hard Copy, Save to Device u Copy to Email or Clipboard. Huwa rakkomandat li tal-anqas jintgħażlu żewġ għażliet. Huwa suġġerit li waħda mill-għażliet tkun Copy to Email or Clipboard. Dan ifisser li l-passphrase tintbagħat fuq email personali.

Is-7 PASS: Wara li tagħżel iż-żewġ għażliet (Manual Hard Copy u Copy to Email or Clipboard) kif qed jidher hawn taħt, agħfas il-buttuna Done.

It-8 PASS: L-aħħar ritratt tal-iskrin qed juri li l-applikazzjoni tal-Blockcerts Wallet lesta biex tibda tintuża.

NOTI IMPORTANTI: Tajjeb li tkun taf li meta tasal fil-parti li qed juri l-iskrin t’hawn taħt u tara “Ready!”, ifisser li l-app tkun ġiet ikkonfigurata b’suċċess.

Jekk attendejt xi kors jew programm bħal korsijiet organizzati mill-Istitut għas-Servizzi Pubbliċi (IPS) u/jew spiċċajt il-Year 11 fi skola tal-gvern/mhux tal-gvern, jekk jogħġbok stenna email ieħor bil-fajl .json (ċertifikat) u aktar struzzjonijiet. Jekk fil-futur tattendi korsijiet jew programmi oħrajn, m’hemmx għalfejn terġa’ tniżżel l-App. Għaldaqstant, jekk jogħġbok, injora l-ewwel email li rċevejt u stenna sakemm tirċievi l-email fil-fajl .json (ċertifikat).

Mistoqsijiet Frekwenti (FAQs)

Jekk jogħġbok, sib il-Proċedura biex Timporta ċ-Ċertifikati SSC&P u/jew Traskrizzjonijiet hawn taħt:

Importazzjoni ta’ Ċertifikati
Biex terġa’ timporta l-kredenzjali taċ-ċertifikat fl-app tal-Blockcerts Wallet tiegħek, segwi l-istruzzjonijiet t’hawn taħt:

Kun ċert li l-app tal-Blockcerts Wallet hija installata fuq l-apparat mobbli tiegħek;
Mill-istess apparat mobbli fejn installajt l-app tal-Blockcerts Wallet, fittex l-email bis-suġġett “Your Digital Credential is ready”;
F’din l-email hemm buttuna ħadra bl’isem “Import my Credential”;
Ikklikkja fuq din il-buttuna u l-kredenzjal jiġi importat fl-app tal-Blockcerts Wallet.

Importazzjoni ta’ Traskrizzjonijiet
Biex terġa’ timporta l-kredenzjali tat-traskrizzjonijiet fl-app tal-Blockcerts Wallet tiegħek, segwi l-istruzzjonijiet t’hawn taħt:

Kun ċert li l-app tal-Blockcerts Wallet hija installata fuq l-apparat mobbli tiegħek;
Mill-istess apparat mobbli fejn installajt l-app tal-Blockcerts Wallet, fittex l-email bis-suġġett “Your Digital Transcript is ready”;
Niżżel il-fajl mehmuż (.json) fl-apparat mobbli;
Iftaħ l-app tal-Blockcerts Wallet fuq l-apparat mobbli;
Agħfas fuq l-ikona tal-ger tas-Settings li tinsab fuq in-naħa ta’ fuq tal-lemin;
Agħżel “Add Credential”;
Agħżel “Import from File”;
Imbagħad agħżel il-fajl mehmuż mill-apparat mobbli.

Għal aktar assistenza, ibgħat email lil [email protected].